3 красавіка ў Кадзінскай сельскай бібліятэцы адбылася творчая сустрэча “У нас у гасцях – Жанна Міус” з членам Магілёўскага аддзялення Саюза пісьменнікаў Беларусі. Госця распавядала дзецям гісторыі дзякуючы якім нараджаліся яе кнігі, чытала свае творы. Прэзентавала адну з апошніх сваіх кніг “На пытанне ёсць… паданне”, у якой сабрала легенды і паданні з розных мясцін Беларусі, што засталіся нам ад прадзедаў як каштоўны скарб. У канцы мерапрыемства пісьменніца падарыла дзецям салодкі прыз і закладкі для кніг, а бібліятэка атрымала кнігі ў дар з асабістым подпісам. Мерапрыемства атрымалася насычаным займальным і вельмі цікавым. Бібліятэкар і чытачы будуць чакаць новых сустрэч з Жаннай Міус і яе новымі кнігамі!