19 лютага бібліятэкар філіяла “Сельская бібліятэка аграгарадка Сямукачы” правяла для вучняў малодшых класаў гадзіну роднай мовы “Шануйце мову сваю, беларусы!”. У праграму мерапрыемства ўключаны: бібліяграфічны агляд новых дзіцячых кніг беларускіх пісьменнікаў, віктарына ведаў “Слова роднае…”,  якая складалася з разделаў: “Беларускія скорагаворкі”, “Загадкі”, “Прадоўжы прыказку”, “Хто ведае больш беларускіх пісьменнікаў?”. У гэты дзень юныя карыстальнікі зацікавіліся сюжэтамі кніг беларускіх аўтараў і пажадалі ўзяць іх на дом.

20 лютага ў філіяле “Сельская бібліятэка аграгарадка Махава” прайшлі хвілінкі беларускай мовы “Родная мова, цудоўная мова”. На кніжнай выстаўцы “І слова гучала, чароўнае слова”  для чытачоў былі прадстаўлены: вершы, казкі, апавяданні, гумарэскі, часопісы на беларускай мове. У гэты день наведвальнікам бібліятэкі прапаноўвалася паўдзельнічаць у літаратурным марафоне “Чытайце беларускае”.

21 лютага супрацоўнікі цэнтральнай бібліятэкі прапанавалі наведвальнікам літаратурную выстаўку “Родная мова – крыніца празрыстая”. На выстаўке прадстаўлены кнігі ад класікаў беларускай літаратуры да сучасных аўтараў, а таксама кнігі для дзяцей – беларускія казкі. Амаль усе кнігі, выданыя на беларускай мове, ілюстраваны, а галоўнае – даступныя кожнаму, хто наведаецца ў бібліятэку.