10 мая ў філіяле сельская бібліятэка-клуб вёскі Брылі прайшла літаратурна-музычная гадзіна “А роднае слова ў сэрцы віруе”, прысвечаная 80-годдзю з дня нараджэння беларускага паэта Сяргея Панізніка. Загадчыца філіяла Юлія Яцкова расказала пра жыццёвыя і творчыя набыткі юбіляра, у якога сувязь з культурнымі традыцыямі беларускага народа, вернасць грамадзянскаму абавязку, працоўныя і салдацкія будні краіны, пачуцці кахання, складаныя чалавечыя ўзаемаадносіны з’яўляюцца асноўны зместам паэтычнага маналога-роздуму. Да юбілею ў бібліятэцы быў падрыхтаваны біяграфічны буклет і аформлена кніжная выстава, аснову якой склалі кнігі з аўтографамі С.Панізніка. Чытач бібліятэкі, кампазітар Мікалай Яцкоў расказаў пра шматгадовае сяброўства і сустрэчы з Сяргеем Сцяпанавічам, пра працу над песенным зборнікам “Дабравест” і выканаў некалькі песен.
12 мая ў філіяле сельская бібліятэка-клуб вёскі Брылі прайшла літаратурна-музычная кампазіцыя “Я ў свет нясу жыццё”, прысвечаная 75-годдзю з дня нараджэння беларускай паэтэсы Раісы Баравіковай. Загадчыца філіяла Юлія Яцкова адзначыла, што маладосць паэтэсы прайшла на радзіме бацькі ў Быхаўскім раёне Магілёўскай вобласці і свой працоўны шлях Р.Баравікова пачала ў мясцовай раённай газеце “Маяк Прыдняпроўя” на пасадзе літсупрацоўніка. А далей жыццё адзначылася вучобай у маскоўскім Літаратурным інстытуце імя А.М.Горкага і вялікай творчай працай, якая паспрыяла таму, што на небасхіле беларускай літаратуры непаўторна зазіхацела імя Раісы Баравіковай. Да юбілею ў бібліятэцы падрыхтавалі біяграфічны буклет і аформілі кніжную выставу, дзе ўвагу чытачоў прыцягнулі кнігі з дароўнымі надпісамі Р.Баравіковай чытачам Брылёўскай бібліятэкі. Чытач бібліятэкі кампазітар Мікалай Яцкоў расказаў пра сустрэчы з Раісай Андрэеўнай і пра сумесную працу над песнямі, якія склалі зборнік “Вяртанне”. Некалькі песен для прысутных выканала Ала Яцкова.
12 мая ў філіяле сельская бібліятэка аграгарадка Рэчкі прайшоў “Беларускі чацвер” да 75-годдзя з дня нараджэння Раісы Баравіковай. Загадзя бібліятэкар выклала бібліяафішу аб мерапрыемстве і відэапрэзентацыю твораў Раісы Баравіковай ў сацыяльных сетках “Інстаграм” , “Аднакласнікі” на старонцы BiblRechki. У “Беларускі чацверг” быў арганізаваны літаратурны стол “Чароўны свет Раісы Баравіковой” для чытачоў рознага школьнага ўзросту. Для прысутнічых бібліятэкар расказвала пра жыццё і творчасць Раісы Баравіковай. Для малодшага школьнага ўзросту былі прапанованы казкі і апавяданні: “Галенчыны “Я”, альбо Планета цікаўных хлопчыкаў”, “Казкі астранаўта. Касмічныя падарожжы беларусаў”. Для падлеткаў сярэдняга школьнага ўзросту бібліятэкар прапанавала аповесць “Казімір – сын Ягайлы + Насця з 8”Б” = каханне“. Для старэйшых школьнікаў бібліятэкар чытала ўрыўкі з вершаў Р.Баравіковай. Школьнікаў зацікавіла лірыка, псіхалагічная фантастыка і гістарычная драматургія пісьменніцы. Папулярнасцю карысталася драматычная паэма “Барбара Радзівіл”, якую ўсе пажадалі ўзяць да дому.
21 мая ў філіяле сельская бібліятэка-клуб вёскі Брылі прайшла гадзіна літаратурнага партрэта “Песні на руінах”, прысвечаная 120-годдзю з дня нараджэння беларускага паэта Язэпа Пушчы. Аб жыцці і творчасці паэта расказала загадчыца філіяла Юлія Яцкова і адзначыла, што Іосіф Паўлавіч Плашчынскі, якога мы ведаем пад імем Язэп Пушча, быў з кагорты пачынальнікаў маладой беларускай савецкай літаратуры і зрабіў вялікі творчы ўнёсак у развіццё і сталенне літаратурнага жыцця, негледзячы на ўсе цяжкія выпрабаванні асабістага лёсу. Да юбілею ў бібліятэцы быў падрыхтаваны біяграфічны буклет, а на аформленай кніжнай выставе можна было пазнаёміцца з творамі Язэпа Пушчы.
25 мая в филиале сельская библиотека-клуб деревни Брыли прошёл литературный час «Неведомая заповедная земля», посвящённый 130-летию со дня рождения писателя Константина Паустовского. Заведующая филиалом Юлия Яцкова рассказала о юбиляре, который прожил яркую жизнь, всегда стоял на стороне правды и справедливости и вписал своё творчество на страницы русской классической литературы. К юбилею в библиотеке подготовили биографический буклет, а с произведениями Константина Георгиевича можно было ознакомиться на оформленной книжной выставке. Завершил встречу просмотр анимационного фильма «Тёплый хлеб», созданного по рассказу К.Паустовского.
