3 чэрвеня ў Брылёўскай сельскай бібліятэцы прайшла гадзіна літаратурнага партрэта “Звінела каласамі жыта…”, прысвечаная 85-годдзю з дня нараджэння вядомага беларускага пісьменніка Алеся Дзятлава. Бібліятэкар Юлія Яцкова расказала пра жыццё Алеся Мікалаевіча і падкрэсліла, што Магілёўшчына ганарыцца творчасцю пісьменніка-земляка, які свой талент скіраваў на ўзнёслае замілаванне роднымі краявідамі і ўспрыманне прыроды як найвялікшага цуду. Удзельнікі сустрэчы пазнаёміліся з падрыхтаванай кніжнай выставай, гарталі творы юбіляра і згадзіліся с тым, што прадстаўнікі магілёўскай зямлі заўсёды ярка зіхацяць на высокім небасхіле беларускай літаратуры.
12 чэрвеня ў Брылёўскай сельскай бібліятэцы прайшла літаратурная гадзіна “Адчуванне часу”, прысвечаная 75-годдзю вядомага беларускага пісьменніка, лаўрэата Дзяржаўнай прэміі Беларусі Генрыха Далідовіча. Бібліятэкар Юлія Яцкова расказала пра жыццёвы шлях пісьменніка, які пачаўся ў нялёгкім пасляваенным 1946 годзе. Рэаліі тагачаснага жыцця знайшлі сваё адлюстраванне на старонках твораў Г.Далідовіча, якім уласцівы адметны лірызм, увага да побытавых дэталей і дакладны псіхалагізм.
Да юбілею бібліятэкар падрыхтавала біяграфічны буклет і аформіла кніжную выставу, на якой можна пабачыць выданні з аўтографамі юбіляра чытачам Брылёўскай бібліятэкі. Асобна была прадстаўлена кніга-юбіляр “Жар кахання”, якая ў гэтым годзе адзначае 25-годдзе з дня выхаду. Загадчык Брылёўскага сельскага Дома культуры
Мікалай Яцкоў расказаў пра свае сустрэчы з Генрыхам Вацлававічам. Напрыканцы сустрэчы ўсе з цікавасцю паглядзелі тэлевізійны фільм “Кантэкст. Генрых Далідовіч”.
16 чэрвеня ў Брылёўскай сельскай бібліятэцы прайшла гадзіна-партрэт “Дамінанта яго жыцця”, прысвечаная 75-годдзю з дня нараджэння вядомага беларускага пісьменніка, лаўрэата Дзяржаўнай прэміі Беларусі Алеся Марціновіча. Бібліятэкар Юлія Яцкова расказала пра жыццё і творчасць пісьменніка, пра яго вялікі ўнёсак у беларускую гістарычную літаратуру.
Удзельнікі сустрэчы пазнаёміліся с біяграфічным буклетам да юбілею, пагарталі творы А.Марціновіча з падрыхтаванай кніжнай выставы і з цікавасцю паглядзелі тэлевізійную перадачу “Дыяблог. Сустрэча з Алесем Марціновічам”.
19 июня в Брылёвской сельской библиотеке прошёл час-портрет «Всё делать для людей и ради них», посвящённый 70-летию со дня рождения выдающегося руководителя сельскохозяйственного производства, Заслуженного работника сельского хозяйства Республики Беларусь Виктора Фёдоровича Пинчука. Библиотекарь Юлия Яцкова рассказала о жизненном пути и профессиональной деятельности юбиляра, который своим трудом прославил наш Могилевский район.
Участники встречи ознакомились с подготовленной книжной выставкой и выслушали рассказ заведующего Брылёвским сельским Домом культуры Николая Яцкова, который поделился воспоминаниями о встречах с этим замечательным человеком и прочитал свою поэму, посвящённую Виктору Фёдоровичу. Присутствующие пожелали юбиляру крепкого здоровья, неутомимости и всего самого наилучшего.
24 чэрвеня ў Брылёўскай сельскай бібліятэцы прайшла літаратурна-музычная кампазіцыя “Зерні дабраты”, прысвечаная 90-годдзю з дня нараджэння вядомага беларускага пісьменніка Міколы Янчанкі.
Бібліятэкар Юлія Яцкова расказала пра жыццё пісьменніка, якое пачалося 22 чэрвеня 1931 г. ў нашым Магілёўскім раёне ў вёсцы Забалоцце. Паколькі ў Магілёўскім раёне дзве вёскі з такой назвай, то сам Мікола Янчанка ўдакладняў: “Родам я з Магілёўшчыны: з вёскі Забалоцце што ля Дасовіч”. Жыццёвыя шляхі прывялі пісьменніка на Гомельшчыну, дзе ў рагачоўскай старонцы расквітнеў яго талент і дзе ён знайшоў свой апошні спакой ізноў-такі ў вёсцы Забалоцце, але Рагачоўскага раёна.
Да юбілею бібліятэкар падрыхтавала біяграфічны буклет. Прысутныя пазнаёміліся з кніжнай выставай, дзе акрамя кніг прадстаўлены і рукапісы Міколы Янчанкі. У выкананні чытачоў бібліятэкі Вікторыі Крэсавай, Ксеніі Атрошчанка і Дар’і Лыськовай прагучалі творы юбіляра.
Загадчык Брылёўскага сельскага Дома культуры кампазітар Мікалай Яцкоў падзяліўся ўспамінамі пра знаёмства з Міколам Ігнатавічам, пра перапіску з гэтым выдатным паэтам і пра сумесную працу над песенным цыклам.
Напрыканцы сустрэчы некалькі песен прагучалі ў аўтарскім выкананні, і прысутных кранулі простыя, але шчырыя словы:
“Яснавокая хатачка
Ля дарогі стаіць,
Мая родная мамачка
У акенца глядзіць.
Нібы з фота паглядвае.
Галавой не кіўне,
Зноў чакае-выглядвае
На дарозе мяне…”
