6 лютага музычна-паэтычную гасцёўню з нагоды 110-годдзя народнага паэта Беларусі Аркадзя Куляшова, наведалі карыстальнікі Рэчкаўскай сельскай бібліятэкі розных узростаў. Бібліятэкар расказала пра жыццёвы і творчы шлях пісьменніка, а прысутныя зачытвалі ўрыўкі з вершаў паэта. У завяршэнне мерапрыемства адказалі на пытанні віктарыны «Жыццё і творчасць Аркадзя Куляшова», азнаёміліся з літаратурай, прадстаўленай на тэматычнай выставе «І вечнасць радка, як вечнасць жыцця…».

13 лютага ў Брылёўскай сельскай бібліятэцы-клуб прайшла гадзіна мастацтва “Жывапісец Магілёўскага краю”, прысвечаная 110-годдзю з дня нараджэння Народнага мастака Беларусі Паўла Масленікава. Загадчыца бібліятэкай расказала пра жыццёвы і творчы шлях мастака, які ніколі не забываў пра сваю малую радзіму – вёску Нізкая Вуліца Княжыцкага сельсавета Магілёўскага раёна. Менавіта тут Павел Васільевіч знаходзіў асаблівае натхненне для сваіх непаўторных мастацкіх твораў. Да юбілею ў бібліятэцы аформілі тэматычную выстаўку, якая прадставіла мастацкую спадчыну мастака. Таксама ўдзельнікі сустрэчы паглядзелі дакументальны фільм “Седьмое небо Павла Масленикова”.